Добитнїк награди - плакети зоз подобу
проф. Гавриїла Г. Надя у 2008
СЛАВИЦА MAЛИ
- професор класней настави и руского язика зоз елементами националне
култури у Вербаше
Биоґрафски податки
Славица Мали, народзена, 22. децембра 1967. року у Вербаше (оцец Михайло,
мац Мария, народзена Шанта). До основней школи ходзела у Вербаше, штредню
школу педаґоґийного напряму закончела у Руским Керестуре, а Педаґоґийну
академию (1991) и Учительски факултет (1998) у Сомборе.
Славица Мали почала робиц у Основней школи „Светозар Милетич” у порядней
настави (1991-1992), а од 1993. року преподава руски язик зоз елементами
националне култури у штирох основних школох у Вербаше: Основней школи
„Светозар Милетич”, Основней школи „20. октобер”, Основней школи „Петар
Петрович Нєґош” и Основней школи „Братство єдинство”. Єй школяре часц
свох активносцох реализую у КПД „Карпати” дзе су укапчани до секцийох
Дружтва. Участвую на стретнуцох руских школох, а були и успишни домашнї
14. стретнуца хторе отримане праве у тим 2008. року. На змаганю з руского
язика и язичней култури участвую од самого початку - 2000. року дзе
кажди рок посцигую замерковани резултати.
Кед у питаню резултати змаганя з рускоги язика и язичней култури вец
треба надпомнуц же на змаганю у Коцуре 2004. року Славицово школярки:
Хеленка Папуга зоз ОШ „Петар Петровић Његош" завжала I место, а
Мая Молнар зоз ОШ „Светозар Милетич" II место; 2006. року на змаганю
у Дюрдьове єй школярки Дияна Мученски зоз „ОШ 20 октобер” завжала I
место, Сања Загоряански зоз ОШ „Светозар Милетич” III и Аня Долапчев
зоз ОШ „Светозар Милетич” III; 2007. року на змаганю у Коцуре Александра
Уйфалуши зоз ОШ „Светозар Милетич” завжала II место, а Дияна Мученски
з ОШ „20 октобер” III; 2008. року у Руским Керестуре Дияна Мученски
и Мартина Миклош завжали II, а Саня Загорянски III место.
Славица
Малийова член Актива наставнїкох руского язика и єдна од снователь Стретнуца
руских школох у 1994. року у Бачинцох вєдно зоз Иринку Папуґову и Славку
Сабадошову. Член Дружтва за руски язик, литературу и културу є од 1982.
року и предсидателька Подружнїци Дружтва за руски язик, литературу и
литературу у Вербаше.
Шицки спомнути активносци и робота Славици Малийовей допринєсли же би
була того рочни (6) добитнїк награди хтора ноши мено проф. Гавриїла
Г. Надя за 2006. рок. То праве и нагода же бизме спомли яке думанє о
нєй, як просвитному роботнїкови ма єй скорейши директор Малисав Симичевич
зоз ОШ „Петар Петрович Нєґош” у Вербаше.
Вон у своїм писме после 14. стретнуца руских школох у Вербаше (на хторе
бул поволани, алє нє бул у можлївосци присуствовац), написал: „Док сам
радио у образовању и био директор Основне школе „Петар Петрович Нєґош”
у Врбасу, сматрао сам да сво моје људско и стручно биће мора бити у
функцији образовно-васпитне делатности као универзалне људске потребе,
а то подразумева потпуно једнак образовно-васпитни статус сваког ученика,
без обзира на веру или националну припадност. Овакав мој став је поштовање
завета и етике ове делатности коју сматрам првобитном у односу на остале
друштвене делатности. Из оваквог мог става произашао је и мој однос
према школовању (неговању) матерњег језика, међу којима је и русински.
Потврдно је да сте Ви и Славица то уочили, што је посебно велика црта
ваше исправне мисије у образовно-васпитној делатности. Радује ме што
у образовању још постоји по који такав човек!
Срећна је околност што се Славица Мали са изразито племенитим људским
особинама и добрим намерама у своме послу, нашла за задатку одржавања
и неговања русинског као матерњег језика, што је у данашњим школским
приликама тешко спроводити и одржавати. Убеђен сам да ће она то успешно
и зналачки радити, као и досад, у чему јој искрено желим успеха”.
И ми Славици жичиме вельо успиху у роботи и живоце.
И. Папуґа
У Новим Садзе, 29. новембра 2008. року
Д О Д З Е Л Ь О В А Н Є припознаня - плакети „проф. Гавриїл Г. Надь" Славици Мали, проф. класней настави руского язика и литератури зоз Вербасу
Предсидательство Дружтва за руски язик, литературу и културу на 9. схадзки,
отриманей 28. октобра 2008. року у Новом Садзе принєсло
О Д Л У К У
же би добитнїк награди - плакети зоз подобу проф. Гавриїла Г. Надя у 2008. року була СЛАВИЦА МАЛИ, професор класней настави руского язика як виборного предмета зоз елементами националней култури основних школох „Светозар Милетич”, „20. октобер”, „Петар Петрович Нєґош” и „Братство єдинство” у Вербаше.
О б г р у н т о в а н є
Дружтво за руски язик, литературу и културу у рамикох хторого 2003.
року основани Мемориялни одбор проф. Гавриїла Г. Надя, по мену визначного
руского линґвисти, писателя и педаґоґа Гавриїла Г. Надя (Вербас, 17.04.1913
- Коцур, 15.10.1983), иницировало спомнуте припознанє хторе ше кажди
рок додзелює єдному наставнїкови, хтори доприноши виучованю руского
язика и литератури и посцигує замерковани резултати у тей обласци; участвує
на змаганьох зоз руского язика и успишнє орґанизує звонканаставни активности.
Авторе плакети зоз подобу проф. Гавриїла Г. Надя - Силвестер Макаї подобови
уметнїк и педаґоґ зоз Коцура и Янко Микита, вилївач зоз Кули. Потерашнї
добитнїки припознаня: Славка Сабадош (2003), Златица Сивч Здравић (2004),
Мария Бесерминї (2005), Сенка Славчев (2006) и Ксения Варґа 2007).
Наставнїца професор Славица Мали орґанизує наставу руского язика як
виборного предмета зоз елементами националней култури основних школох
„Светозар Милетич”, „20. октобер”, „Петар Петрович Нєґош” и „Братство
єдинство” и у Вербаше и у достаточней мири допринєсла же би ше воспитно-образовна
робота на планє руского язика и литератури популаризовала медзи школярами,
родичами и у дружтвеним штредку.
Воспитно-образовна робота Славици Мали як у Вербаше, так и ширше припозната;
вона успишнє участвує на Републичним змаганю з руского язика и язичней
култури и других програмох и манифестацийох и културних активносцох,
стретнуцох руских школох - та ше єй прето припознанє и додзелює зоз
жаданьом же би и надалєй успишно орґанизовала наставни активносци и
зоз свою педаґоґийну и културну роботу була приклад другим наставнїком.
Припознанє наставнїци Славици Мали ше уручи 29. новембра 2008. року
на 4. Скупштини Дружтва за руски язик, литературу и културу хтора ше
отримує у Заводзе за културу Войводини у Новим Садзе.
Предсидатель Mемориялного одбору Др Юлиян Рамач
Предсидатель Предсидательства Дружтва Янко Барна Предсидатель Скупштини
Дружтва Ирина Папуґа
