Активносци Предсидательства
ПОВОЛАНКА ЗА СХАДЗКУ ПРЕДСИДАТЕЛЬСТВА
Поволуєме Вас на 13. схадзку Предсидательства Дружтва за руски язик, литературу и културу, хтора ше отрима, пияток, 23. априла 2010. року на 16 годзину Заводу за културу Войводини, Нови Сад, Войводи Путнїка 2.
Д Н Ь О В И Ш О Р:
Промоция нових виданьох Дружтва
1. Записнїк зоз 12. схадзки Предсидательства Дружтва
2. Препатрунок активносцох медзи двома схадзками
3. Календар активносцох Дружтва у 2010. року и
4. Р и ж н е
Зоз поволанку посиламе материяли за 1, 2. и 3. точку дньового шора..Модлїме же бисце вжали учасц, а кед сце нє у можлївосци присуствовац пошлїце Вашого заменїка.
*
Надпомнуце: на другим боку поволанки ше находза податки: адреса и ПИБ 101638146 Дружтва хтори можеце похасновац при купованю горива за приход на схадзку.
З почитованьом.
Секретарe Дружтва Владимир Салонски и Наталия Рамач
Предсидатель Предсидательства Дружтва Янко Барна, в. р.
З А П И С Н Ї К
зоз 12. схадзки Предсидательства Дружтва за руски язик, литературу
и културу, хтора отримана 15. 10. 2009. року на
15,00 годзин у Заводзе за културу Войводини, Нови Сад
у рамикох рочнїцох проф. Гавриїла Г. Нада
(Ст. Вербас, 17.04.1913 – Коцур, 15.10.1983)
На схадзки присуствовали: Славко Пап, Владимир Дудаш, др Ксения Кугайда, Владимир Манько, Гелена Гафич Стойков, Владимир Дороґхази, Александар Мудри, Анита Ґовля, Наталия Рамач, Владимир Салонски, Мария Дорошки, Дюра Латяк и Ирина Папуґа. Зоз „Руского слова” прсуствовала Олена Сакач Планчак. Oдсуство зоз схадзки оправдали: др Юлиян Рамач, Мелания Сабадош и Мария Бесерминї. Зоз схадзку руководзел Владимир Манько, член Предсидательства Дружтва.
Д Н Ь О В И Ш О Р:
I - НОВИ ВИДАНЯ ДРУЖТВА:
РУСНАЦИ У НОВИМ ОРАХОВЕ (1945-2008)
Олена Папуґа РУСКЕ ОБИСЦЕ - Olena Papuga RUSINSKA KUĆA (совидаватель)
Мелания Павлович БЕЛАВИ ЛЄТ - Мeланија Павловић ПЛАВИ ЛЕТ
II
1. Записнїк зоз 11. схадзки Предсидательства Дружтва;
2. Препатрунок активносцох медзи двома схадзками;
3. Информация о новим Закону о здруженьох Републики Сербиї;
4. Предкладанє: а) Правилнїк о канцеларийним и архивним дїлованю и
б) Лїстина катеґорийох реґистратурного материялу зоз терминами чуваня;
5. Програма Дружтва зоз Финансийним планом за 2010. рок;
6. Активносци Дружтва по конєц 2009. року и
7. Р и ж н е
I
Нови виданя Дружтва:
Информациї коло видаваня кнїжкох: РУСНАЦИ У НОВИМ ОРАХОВЕ (1945-2008) и Олени Папуґа РУСКЕ ОБИСЦЕ - Olena Papuga RUSINSKA KUĆA (совидаватель) дала И. Папуґа, а вобор зоз поезиї и прози Меланиї Павлович БЕЛАВИ ЛЄТ - Мeланија Павловић ПЛАВИ ЛЕТ представел Дю. Латяк.
II
Точка 1.
Записнїк зоз 11. схадзки Предсидательства Дружтва, отриманей 2. юлия 2009. року у Новим Садзе, прилапени.
Точка 2.
Препатрунок активносцох медзи двома схадзками прилапени. Наглашене же активносци успишнє реализовани, окреме промоциї нових виданьох у Новим Садзе, Новим Орахове, Руским Керестуре. Прекоментароване же у соструднїцтве зоз Архивом Войводини надосц поробене на ушорйованю архиви Дружтва, а тиж ше и предлужи робиц. З тим у вязи, пририхтани Правилнїк о канцеларийним и архивним дїлованю и Лїстина катеґорийох реґистратурного материялу зоз терминами чуваня.
Точка 3.
Информация о новим Закону о здруженьох Републики Сербиї: Закон о здруженьох у Републики Сербиї принєшени у юлию 2009. року; з тим у вязи було слова о активносцох хтори ше предлужа (идуци 18 мешаци), а хтори буду нагода же би ше Статут Дружтва дополнєло и присподобело ґу предписаньом яки реґуловани зоз спомнутим Законом. Потим ше конститує нови цела Дружтва: Скупштина, Управни одбор итд. (материяли КОО дружтвох за язики, литературу и културу состойна чац записнїку).
Точка 4.
Предкладанє: Правилнїк о канцеларийним и архивним дїлованю и Лїстина катеґорийох реґистратурного материялу зоз терминами чуваня розпатрени и предложени за прилапойщванє на схадзки Скупштини Дружтва у новембре 2009. року. Правилнїк и Лїстина буду розпатрени и прилапени на идуцей Скупштини Дружтва. У Лїстини вихабена точка 25. Eлектронска обрада података, www сајт, маюци у оглядзе же тота часц активносцох ище у розвою (Дружтво нє ма свой компютер, програми ше меняю итд.).
Точка 5.
Програма Дружтва за 2010. рок зоз Финансийним планом за 2010. рок розпатрена и з дополнєньом (звекшаньом) средствох подружнїцох Дружтва, зоз 5.000,00 на 10.000,00 дин. Прилапена.
Точка 6.
По конєц 2009. року отримац промоцию кнїжки Меланиї Павлович Белави лєт у Новим Садзе (у РКПД) и Руским Керестуре, дзе представиц и други виданя Дружтва (у Библиотеки) и Кули - читанє стихох Меланиї Павлович зоз школярами;
- означиц 80-рочнїцу Драґена Колєара, ґлумца и театролоґа: у Новим Садзе, 10.11.2009. року однєсц квеце на гроб у Петроварадинє и у Бачинцох, у рамикох школских годзинох зоз рускима школярами;
- присустввац програмом означованя 100-рочнїци Михала Ковача у наших штредкох: Бикич, Бачинци, Шид итд;
- отримац схадзку Скупштини Дружтва;
Орґанизовац манифестацию 19. Днї Миколи М. Кочиша - отримац вецей програми:
- Округли стол о Словнїку биолоґийних теминох др Радмили Шовлянски у Новим Садзе, промоцию виданьох Дружтва у:
- у Сримскей Митровици - представиц виданя Дружтва, виглєдованє и кнїжки Лїляни Радуловачки, а конституовац и нове руководство Подружнїци,
- у Дюрдьове, родзеним месце Миколи М. Кочиша - означиц и 70 роки од народзеня писателя Мирослава Стрибера зоз Дюрдьова.,
- у ОШ у Савиним Селу придац школяром награди зоз конкурсох.
Точка 7.
Нє було питаня. Схадзка закончена на 17.00 годзин.
Схадзку водзел:Владимир Манько, член Предсидательства Дружтва
Записнїчар: Наталия Рамач, секретар Дружтва
ПОВОЛАНКА ЗА 12. СХАДЗКУ ПРЕДСИДАТЕЛЬСТВА
Поволуєме Вас на 12. схадзку Предсидательства Дружтва за руски язик, литературу и културу, хтора ше отрима, штварток, 15. октобра 2009. року на 15,00 годзин у Заводу за културу Войводини, Нови Сад, Войводи Путнїка 2.
ДНЬОВИ ШОР:
I - НОВИ ВИДАНЯ ДРУЖТВА:
РУСНАЦИ У НОВИМ ОРАХОВЕ (1945-2008)
Олена Папуґа РУСКЕ ОБИСЦЕ - Olena Papuga RUSINSKA KUĆA (совидаватель)
Мелания Павлович БЕЛАВИ ЛЄТ - Маланија Павловић ПЛАВИ ЛЕТ
II
1. Записнїк зоз 11. схадзки Предсидательства Дружтва;
2. Препатрунок активносцох медзи двома схадзками;
3. Информация о новим Закону о здруженьох Републики Сербиї;
4. а) Правилнїк о канцеларийним и архивним дїлованю и
б) Лїстина катеґорийох реґистратурного материялу зоз Терминами чуваня;
5. Активносци Дружтва по конєц 2009. року и
6. Р и ж н е
Зоз поволанку посиламе материяли за 1, 2. и 4. точку. У вязи зоз Законом
о здруженьох (точка 4) на схадзки будзе дата усна информация и подзелєни
прикладнїки Закона.
Модлїме же бисце вжали учасц, а кед сце нє у можлївосци присуствовац
пошлїце Вашого заменїка.
