Нови виданя
РУСНАЦИ У НОВИМ ОРАХОВЕ
Кнїжка о Руснацох у Новим Орахове облапя теми вязани за културни и просвитни живот и дeмоґрафски обставини у Новим Ораховe хтори презентовани на штирох округлих столох, отриманих у рамикох означованя 60-рочнїци насельованя Руснацох зоз Руского Керестура до Нового Орахова (1946-2006). ..
ГЕЛЕНА ГАФИЧ СТОЙКОВ
СНИ МАЛЕЙ ИРИНКИ СПОД ЄДНЕЙ ПЕРИНКИ
Ирина Гарди Ковачевич
ГЕЛЕНА ГАФИЧ СТОЙКОВ „СНИ МАЛЕЙ ИРИНКИ СПОД ЄДНЕЙ ПЕРИНКИ”
(Рецензия на рукопис Гелени Гафич Стойков Сни малей Иринки спод єдней
перинки, Дружтво за руски язик, литературу и културу, Нови Сад, 2008)
Текст Гелена Гафич Стойков „Сни малей Иринки спод єдней перинки” написани так як ше то єдино може написац за наймладши дзеци: з вельку нїжносцу и доверлївосцу до дзециньскей отвореносци ґу швету одроснутих, а тота доверлївосц обовязує старших же би ше старали нєпреривно шириц їх видогляди и активно их оспособйовац за одрастанє у складзе з людзми и природу коло себе. ...
Иринa Папуґа
Основна школа Бачинци
МЕДЗИЗАВИСНОСЦ ДРУЖТВЕНЕЙ ИСТОРИЇ И ЖИВОТА ПРОСВИТНЕЙ УСТАНОВИ
(Рецензия кнїжки Ирини Папуґа Основна школа Бачинци, Дружтво за руски язик, литературу и културу, Нови Сад, 2008)
(виривок)
Мам чесц Редакциї публикациї сообщиц свойо думанє о рукопису Основна
школа у Бачинцима авторки Ирини Папуґа.
Интелиґентно и чувствительно написани лїтопис бачинскей Alma Mater.
Шерцо тей двасторочней панї и нєшка дурка – як у вчасней младосци. Шорики
такей вредносци о єй историяту, з нагоди окремного ювилею, могло виписац
лєм тото пирко хторе ше ту научело писац, ту школу з успихом закончело
и з однєшеним знаньом крочело до живота....
Мр Геленa Медєши
„Язик наш насущни”
РЕЦЕНЗИЯ
КНЇЖКИ МР ГЕЛЕНИ МЕДЄШИ „ЯЗИК НАШ НАСУЩНИ”, 2008.
Др Юлиян Рамач:
Тота кнїжка будзе представяц хасновиту и интересантну литературу за шицких любительох руского язика, окреме за студентох русинистики и преподавачох руского язика. Тиж так и за шицких русинистох, як и славистох. Студенти русинистики годни з нєй научиц вельо нового, понеже авторка пише о руским/русинским язику з вецей аспектох: з аспекта социолинґвистики, стандардизациї, стила, правилного/нєправилного хаснованя словох, виразох итд. Годни научиц и велї линґвистични поняца и термини: моноцентрична и полицентрична стандардизация, урбанизация литературного язика, доминантна двоязичносц, субстрактивна двоязичносц и др. Любителє руского язика през велї приклади годни спатриц значносц чуваня и пестованя свойого язика и його чистоти. ...
