СХАДЗКИ СКУПШТИНИ ДРУЖТВА
Число: 50
Датум: 16. новембер 2009. року
Нови Сад, Войводи Путнїка 2
Тел/факс: 021/ 47-54-128
ЧЛЕНОМ СКУПШТИНИ ДРУЖТВА И ПОВОЛАНИМ
На основи члена 25. Статута Дружтва за руски язик, литературу и културу и Одлуки Предсидательства Дружтва од 15. октобра 2009. року, зволуєме 5. схадзку Скупштини, хтора ше отрима соботу, 28. новембра2009. року на 11 годзин у Заводзе за културу Войводини, Нови Сад, Вoйводи Путнїка 2.
ДНЬОВИ ШОР:
I - часц:
Монодрама: Мария Сопка „Тварде слово”
у виводзеню Меланиї Арваї, зоз Кули
II - часц
1. Вибор роботного предсидательства;
2. Вибор роботних целох Скупштини:
- верификацийней комисиї,
- записнїчара и двох оверйовачох записнїку;
3. Записнїк зоз 4. схадзки Скупштини;
4. Розпатранє и прилапйованє Звиту о роботи
Дружтва медзи двома схадзками (XI 2008-XI 2009);
5. Розпатранє и прилапйованє Финансийного звиту
и звиту Надпатраюцого одбору (2008);
6. Розпатранє и прилапйованє:
а) Правилнїка о канцеларийним и архивним дїлованю и
б) Лїстини катеґорийох реґистратурного материялу зоз терминами чуваня;
7. Програма Дружтва за руски язик, литературу и културу зоз
Планом финансийних средствох за реализацию у 2010. року и
8. Р и ж н е
Зоз поволанку за схадзку Скупштини посиламе материли (3-7).
ПИБ Дружтва 101638146 хтори можеце похасновац при купованю горива за приход на схадзку.
Модлїме же бисце вжали учасц; кед сце нє у можлївосци присуствовац, пошлїце заменїка.
Подпредсидателє Скупштини Дружтва, Владимир Ґовля,Мелания Саламун и Сенка Славчев, Предсидатель Скупштини Дружтва, Ирина Папуґа
З А П И С Н Ї К
зоз 4. схадзки Скупштини Дружтва за руски язик, литературу и културу, отриманей 29. новембра 2008. року на 11 годзин у Новим Садзе (Завод за културу Войводини)
На схадзки Скупштини присуствовали: др Юлиян Рамач, Коцур, Владимир Дудаш, Руски Керестур, Сенка Славчев, Нове Орахово, Кирил Планкош, Суботица, Весна Кухар, Дюрдьов, Славица Мали, Вербас, Владимир Салонски, Ґосподїнци, Анита Ґовля, Шид (Бачинци, Беркасово и Бикич Дол), Славко Пап Петрань, Беоґрад (Батайница), Гелена Гафич Стойков, Нови Сад, Мария Бесерминї, Нови Сад, Дюра Латяк, Нови Сад, мр Гелена Медєши, Нови Сад, др Ксения Кугайда, Нови Сад, Владимир Манько, Сримска Митровица, Нови Сад, Бориша Миличевич, Нови Сад и Ирина Папуґа, Нови Сад, члени Скупштини Дружтва и Янко Голик, предсидатель и Ирина Гарди Ковачевич, член Надпатраюцого одбору Скупштини. Учасц вжали и члени подржнїцох Дружтва Мария Дорошки, Руски Керестур и Єлена Рамач, Коцур. Зоз руских средствох информованя присутвовали: Соня Николаєвич, Руска редакция Радио Нови Сад, Оленка Сакач-Планчак „Руске слово" и Дюра Дудаш, Руска редакция ТВ. Схадзку отворела и присутних привитала Ирина Папуґа, предсидатель Скупштини Дружтва и предложела
ДНЬОВИ ШОР:
I - 11,00 годзин
1. Вибор роботного предсидательства;
2. Вибор роботних целох Скупштини:
- верификацийней комисиї,
- записнїчара и
- двох оверйовачох записнїку;
3. Записнїк зоз 3. схадзки Скупштини;
4. Прилапйованє дїловнїка о роботи Скупштини Дружтва;
5. Розпатранє и прилапйованє звиту о роботи
Дружтва медзи двома схадзками (XII 2007-XI 2008);
6. Розпатранє и прилапйованє финансийного звиту
и звиту Надпатраюцого одбору (2007);
7. Програма Дружтва за руски язик, литературу и културу зоз
планом финансийних средствох за реализацию у 2009. року
8. Орґанизацийни питаня Дружтва и
9. Р и ж н е
II - 12,30 годзин
Додзельованє наградох и припознаньох:
- плакети „проф. Гавриїл Г. Надь” Славици Мали,
проф. руского язика и литературизоз Вербасу,
- подзекованьох „Микола М. Кочиш” и других припознањох
Вистава акварелох Гелени Канюх
III - 13,00 годзин
Промоция нових виданьох Дружтва
- Юлиян Пап: Good Morning! We learn English/ Добре рано! Учиме ше по анґлийски
- Ирина Папуґа: Основна школа Бачинци
- мр Гелена Медєши: Язик наш насущни
- Гелена Гафич Стойков: сликовнїца Сни малей Иринки спод єдней перинки
I часц
Схадзка почала зоз минуту цихосци з нагоди шмерци Дюри Папгаргая (1936-2007) и стихами його писнй „Я тоту жем любим” хтору пречитала Мария Дорошки.
Точка 1.
До роботного предсидательства предложени: Сенка Славчев, Весна Кухар, Анита Ґовля и Ирина Папуґа.
Предкладанє прилапене.
Точка 2.
Вибор роботних целох Скупштини:
- до верификацийней комисиї предложени: Славко Пап, Владимир Салонски и Бориша Миличевич Пап,
- за записнїчара предложена Мария Дорошки и
- за оверйовачох записнїку др др Юлиян Рамач и Мария Бесерминї. Предкладаня прилапени.
Точка 3.
Члени Скупштини зоз поволанку достали записнїк зоз 3. схадзки, отриманей 1. децембра 2007. року, а информативно и записнїк зоз 9. схадзки Предсидательства, од 28. октобра 8 року. Записнїк зоз 3. схадзки Скупштини
прилапени.
Точка 4.
Прилапйованє дїловнїка о роботи Скупштини Дружтва. У вязи зоз членом 3 дїловнїка Дюра Латяк бул думаня же перша алинея того члена треба же би глашела:
„Зоз роботу Скупштини руководзи роботне предсидательство у составе предсидатель и потпредсидателє Скупштини (1+3). У случа одсутносци даєдного з нїх состав роботного предсидательство ше предклада на початку роботи схадзки. Предклада го предсидатель, односно єден од подпредсидательох у сотруднїцтве зоз присутнима потпредсидателями. У тим случаю ше о составе роботного предсидательства отвера дискусия, а потвердзує зоз гласаньом членох Скупштини”.
Точка 5.
Розпатранє и прилапйованє звиту о роботи Дружтва медзи двома схадзками зоз резимеом (XII 2007-XI 2008). У дискусиї вжали учасц Дюра Латяк хтори похвалєл роботу Дружтва у веце сементох и наглашели же робота Дружтва була интензивна, окреме у Новим Садзе коло виучованя руского язика на основним и штреднїм ступню (анґажованє наставнїкох) и у Коцуре коло ушорйованя будинку з роботу у наступним чаше за цо достати и позарядово средства зоз Општини Вербас.
Точка 6.
О Финансийним звиту Дружтва за 2007. рок и за дзевец мешаци у 2008. року звит поднєсол Янко Голик, предсидатель Надпатраюцого одбору и наглашел же финансиї провадза дїялносц Дружтва и же ше активносци Дружтва одвиваю насампредз по проєктох за хтори ше конкурує, доставаю средства и подноша финансийни звити (зоз документацию). Средства реализовани так як и по тоти роки мерковане цо ше и зач виплацує, односно троши. Финансийни звити прилапени (состойна су часц архиви Дружтва). Надополнєнє за виробок закончуюцого рахунку за 2008. рок ше Аґенциї Квик реализує як и скорейших рокох (дин. процивредносц за 100 еври).
Точка 7.
Програма Дружтва за 2009. рок зоз планом финансийних средствох прилапена.
Точка 8.
Було слова о отримованю виборней Скупштини Дружтва у октобре 2009. року. Тиж надпомнуте же ше обчекує приношенє нового Закона о здруженьох у Републики Сербиї.
Точка 9.
Рижне: нє було питаня
II часц
Додзельованє припознаня - плакети „Проф. Гавриїл Г. Надь” Славици Мали, проф. руского язика и литературизоз Вербасу. Награду придали др Юлиян Рамач, предсидатель и Гелена Гафич Стойков, секретар Мемориялного одбору проф. Гавриїла Г. Надя, а о педаґоґийней и културней роботи Славици Малийовей бешедовала Ирина Папуґа (текст состойна часц архиви Дружтва). Позарядово припознаня проф. Гавриїл Г. Надь достали наставнїци хтори з дзецми уча руски язик у Канади: Славка Макаї, Любица Павлович, Весна Фа и Весна Венчельовски.
Подзекованя „Микола М. Кочиш” на Скупштини достали: Руске Дружтво Сиверна Америка, Киченер, Онтарио, Канада, Саскачеванске дружтво рускей култури „Русин”, Норт Батлфорд, Канада, Юлин Пап, Нови Сад, Владимир Сабо Дайко, Коцур, др Михал Тир, Нови Сад, Дюра Латяк, Нови Сад, мр Лука Хайдукович, Нови Сад, о. Михало Режак, Шид/Бачинци, о. Владислав Варґа, Беоґрад/Нови Сад, Ксения Саламон, Шид, Серафина Макаї, Коцур, Владимир Ґовля, Шид, Гелена Канюх, Ветерник, Гавриїл Колєсар, Киченер, Канада, Гелена Гафич Стойков, Нови Сад, Татяна Таґасович Винай, Суботица, Леона Гайдук, Нови Сад, Никола Кнежевич, Шид, Владимир Салонски, Ґосподїнци, Цецилия Мудри, Кула, Новка Моїч, Нови Сад, Янош Орос, Нови Сад, Дом култури, Руски Керестур, Дружтво Руснацох, Суботици, Ґимназия „Сава Шуманович”, Шид, Технїчна школа „Йован Вуканович”, Нови Сад, Руске културно-просвитне дружтво, Нови Сад, Друкарня Вивершней ради АПВ и Друкарня FB Print, Нови Сад. Добитнїком з иножемства припознаня буду уручени познєйше, або послати по птт.
Потим у Ґалериї МОСТ Завода за културу Войводини отворема вистава акварелох Гелени Канюховей
III часц
Промоция нових виданьох Дружтва
- Юлиян Пап: Good Morning! We learn English/ Добре рано! Учиме ше по анґлийски о хторей бешедовал рецензент.др Юлиян Рамач,
- Ирина Папуґа: Основна школа Бачинци о хторей бешедовали Леона Гайдук, рецензент и автор.
- Мр Гелена Медєши: Язик наш насущни о хторей бешедовали др Юлиян Рамач, рецензент и автор
- Гелена Гафич Стойков: сликовнїца Сни малей Иринки спод єдней перинки о хторей бешедовали мр Гелена Медєши и автор.
Записнїчар: Мария Дорошки
Предшедаваюци: Сенка Славчев
Оверйоваче записнїку: Др Юлиян Рамач, Мария Бесерминї, Анита Ґовля, Весна Кухар, Ирина Папуґа
АКТИВНОСЦИ ДРУЖТВА ЗА РУСКИ ЯЗИК, ЛИТЕРАТУРУ И КУЛТУРУ
(резиме)
Од новембра 2008. по новембер 2009. року витворени значни програмни активносци Дружтва за руски язик, литературу и културу (препатрунок состойна часц звиту), медзи хторима и шлїдуюци:
Виучованє и пестованє руского язика:
У Технїчней школи „Милева Марич-Анштайн” у Новим Садзе предлужене пестованє руского язика на штреднїм ступню у Новим Садзе. Зоз школярами роби Татя’на Яким Мученски, проф. руского язика зоз Коцура (замена Наташи Перкович). Настава ше отримує штварток у ТШ и соботу у РКПД, Нови Сад. Пестованє руского язика на штреднїм ступню орґанизоване и у Ґимназиї „Сава Шуманович” у Шидзе, а зоз школярами роби Зденко Лазор, проф. руского язика зоз Бикичу. Отримана явна годзина руского язика зоз наст. Леону Олеар у Савиним Селу, а иницироване и виучованє руского язика и у Крущичу.
У Дзецинскей заградки у Коцуре отримана схадзка Активу вихователькох руского язика на хторей представени нови учебнїк руского язики и нови виданя за дзеци по руски. Вихователька Серафина Самочета пририхтала програму зоз предшколскима дзецми.
Отримане 9. змаганє з руского язика и язичней култури основного образованя у Основней школи „Йован Йованович Зма” у Дюрдьове. Дзешате змаганє ше планує у ОШ у Коцуре, 14. 05. 2019. року.
У Бачкей Тополї и Новим Орахове отримане 15. ювилейне стретнуце руских школох зоз нащиву основним школом и други образовни и културни институциї у тих местох.
Видавательна дїялносц и промоциї:
Вишол Зборнїк роботох „Studia Ruthenicа” 13 (26), 2008 у хторим обявени роботи студентох Катедри за руски язик и литературу, прилоги о нових виданьох и рочнїцох, видати три нови кнїжки: Руснаци у Новим Орахове, Олена Папуґа Руска хижа (зоз Дружтвом Рушяк зоз Риєки) и вибор поезиї и прози Белави лєт Меланиї Павлович. Кнїжки Дружтва були виложени на Салонє кнїжкох у Новим Садзе и Сайме кнїжкох у Беоґрадзе. На новим чишлє „Studia Ruthenicа” 14 (27) нє робене пре нєдостаток финансийних средствох. Отримана промоция кнїжки Дюри Лїкара „Най ше нє забудзе - Руснаци у Горватскей” у Новим Садзе и Руским Керестуре.
Фахово сходи, манифестациї:
Отримана 3. манифестация Поетски нїтки Меланиї Павлович – явна годзина руского язика школярох хтори ше уча по руски у школох штреднього ступня у Новим Садзе, на хторей представени вобор поезиї и прози - кнїжка Меланиї ПавловичБелави лєт – Плави лет у РКПД у Новим Садзе.
Отримани вецей схадзки коло роботи на Словнїку з обласци защити животного штредку и защити рошлїнох др Радмили (Сакач) Шовлянски, Нови Сад.
Подобова творчосц:
Отримана пията подобова колония Стретнуце у Боднарова и осма дзецинска колония – креативна роботня у Ґосподїнцох. Роботи зоз першей, другей, трецей и штвартей колониї (зоз каталоґами) були виложени у Новим Садзе, Жаблю, Кули и Ґосподїнцох.
Рочнїци зоз Календара значних датумох, награди и припознаня:
Означена 80-рочнїца народзеня Янка Чижмара и Драґена Колєсара. Отримани 18. Днї Миколи М. Кочиша у Новим Садзе, Руским Керестуре, Бачинцох, Дюрдьове и Новим Орахове, додзелєне припознанє: проф. Гавриїл Г. Надь, Славици Мали зоз Вербасу, награда Славка Сабадош у Новим Садзе и Новим Орахове. Додзелєни припознаня членом и почитовательом Дружтва.
* * *
Отримани три схадзки Предсидательства, схадзка Скупштини Дружтва, як и вецей схадзки активох, секцийох, подружнїцох, редакцийох и других роботних целох Дружтва. Вжата учасц на схадзкох, сходох и роботньох КОО дружтвох за язики, литературу и културу Заводу за културу Войводини и других институцийох и орґанизацийох.
ПРОГРАМА
ДРУЖТВА ЗА РУСКИ ЯЗИК, ЛИТЕРАТУРУ И КУЛТУРУ за 2010. рок
Рушаюци од програмних задаткох Дружтва за руски язик, литературу и културу, хтори иницировани на Скупштини Дружтва 29. октобра 2005. року под назву План розвою и дїялносци Дружтва за руски язик, литературу и културу у новим милениюме, Предсидательство Дружтва на 12. схадзки, отриманей 15. октобра 2009. року, предложело шлїдуюцу програму за 2010. рок:
1. Преучованє и наукови обробок руского язика: У 2010. року по можлївосци закончиц Руско-сербски словнїк як вецейрочну екипну роботу руских линґвистох. Источашнє ше будзе робиц на проєктох хтори започати 2002. року и реализовани 2003-2009. року: Словнїк руского народного язика и Правопис руского язика (Правописни словнїк), на хторих анґажовани виглєдовацки екипи у сотруднїцтве зоз Одсеком за русинистику Филозофского факултета у Новим Садзе и Линґвистичну секцию Дружтва. Тиж ше предлужи з активносцу применьованя I и II тому Сербско-руского словнїка (перши том обявени 1995. а други 1997. року) и Ґраматики руского язика др Юлияна Рамача (видата 2002. року) у шицких сферох образовного, културного, информативного, прекладательного живота Руснацох. Предлужи ше зоз роботу на видаваню Сербско-латинско-анґлийско-руского словнїка за защиту животного штредку и защиту рошлїнох хтори започати 2008. року. З тим у вязи, по потреби буду орґанизовани инструктивни схадзки и розгварки у школох, редакцийох радию, ТВ итд.
2. Пестованє и унапредзованє руского язика и литератури и язичней култури дзецох и школярох: Треба ше намагац отримац досцигнути уровень облапеносци дзецох и школярох зоз воспитаньом и образованьом на руским язику (на предшколским и основношколским возросту) у Руским Керестуре, Коцуре и Дюрдьове, як и пестовац руски язик як виборни предмет з елементами националней култутри у Новим Садзе, Вербаше, Кули, Новим Орахове/Бачкей Тополї, Суботици, Ґосподїнцох, Савиним Селу (Бачким Добрим Полю и Равним Селу), Крущичу, Шидзе, Бачинцох, Беркасове, Бикичу, Сримскей Митровици и Беоґрадзе. Далєй потримовац роботу Ґимназиї и других напрямох штреднєй школи на руским язику у Руским Керестуре, а порушовац и орґанизованє пестованя руского язика як факултативного предмета на штреднїм ступню у Новим Садзе, Шидзе, Вербаше, а тиж и у обласци предшколского вихованя у Новим Садзе, Вербаше, Кули, Суботици, Шидзе и других заинтересованих штредкох. У складзе зоз инициятиву 12. стретнуца руских школох у Миклошевцох (2006), порушовац виучованє руского язика у руских штредкох у Горватскей, а у сотруднїцтве зоз членми Дружтва и у Канади (Киченер и Нотрбатлефорд). Закладац ше за образованє цо векшого числа професорох руского язика на Катедри за руски язик и литературу - Одсеку за русинистику Филозофского факултета у Новим Садзе, як и наставнїкох-професорох класней настави на Учительским факултету у Зомборе, вихователькох на Висшей школи у Новим Садзе итд. Додзельовац награди: проф. Гавриїл Г. Над, наставнїком руского язика (додзелєни 6), Славка Сабадош и Ана Кнежевич школяром хтори виучую и пестую руски язик.
Треба провадзиц пременки у обласци образованя и воспитаня хтори ше реализию у рамикох Министерства просвити Републики Сербиї и Покраїнского секретарияту за образованє, сотрудзовац зоз Просвитним совитом Войводини, Педаґоґийним заводом Войводини и Одбором за образованє Националного совиту рускей националней меншини, а у рамикох активох наставнїкох и вихователькох руского язика провадзиц активносци у обласци воспитаня и образованя: приношенє и реализация наставних планох и програмох воспитно-образовней роботи, видаванє учебнїкох и приручнїкох на руским язику, настава виронауки, образованє и фахове усовершованє наставнїкох и вихователькох, анґажованє школского инспектора-надзорнїка за руски язик, финансованє у тей обласци итд. Будзе ше сотрудзовац зоз Покраїнским секретариятом за културу, Покраїнским секретариятом за науку и технолоґийни розвой, Покраїнским секретариятом за предписаня, управу и национални меншини Вивершней ради АП Войводини, Координацийним одбором дружтвох за язики, литературу и културу, Оддзелєньом за нєвладово орґанизациї Завода за културу Войводини, Заводом за културу войводянских Руснацох итд.
У сотруднїцтве зоз инстутуциями просвити, образованя и за права националних меншинох, планує ше орґанизованє Шеснастого стретнуца руских основних и штреднїх школох у хторих ше наставу отримує на руским язику и школох у хторих ше руски язик виучує як виборни, односно факултативни предмет у Сримскей Митровици. Треба ше уключиц до активносцох хтори вязани за Републичне змаганє з руского язика и язичней култури за школярох основних школох, спрам пропозицийох компетентних институцийох образованя и у сотруднїцтве з Активом наставнїкох руского язика Дружтва. Перше (2000), друге (2001), пияте (2005) и осме (2008) змаганє отримане у Основней школи и ґимназиї „Петро Кузмяк" у Руским Керестуре (2002. року змаганя нє було), треце (2003), шесте (2006) и дзевяте (2009) у Основней школи "Йован Йованович Змай" у Дюрдьове, а штварте (2004) и седме (2007) отримане у Основней школи "Братство єдинство" у Коцурe, дзе заплановане и дзешате ювилейне, мая 2010. року.
3. Збогацованє литературней дїялносци и творчосци на руским язику: Треба потримовац литературну дїялносц на мацеринским язику за дзеци и школярох, а тиж и преклади зоз сербского язика и язикох других националносцох. Окремну увагу треба пошвециц активносци литературних секцийох у наших местох (уж длугши час роби секция: Микола М. Кочиш у Бачинцох, Анґела Прокоп у Шидзе, Штефан Чакан у Новим Орахове, Ана Кнежевич у Сримскей Митровици), сотрудзовац зоз часописом за дзеци Заградка, участвовац на манифестацийох Костельникова єшень, Мемориялу Петра Ризнича Дядї у Руским Керестуре, Яри Мафтея Виная у Суботици, Дньох Миколи М. Кочиша у Новим Садзе, Дюрдьове, Мемориялу проф. Гавриїла Г. Надя, унапредзовац литературни конкурси др Мафтея Виная и Штефана Чакана. Основана манифестация Поетични нїтки Меланиї Павлович, а у планє основац и мемориял зоз меном писателя Михала Ковача, та и на таки способ указац увагу визначним литературним и културним творительом. Означовац рочнїци у обласци образованя, култури и видавательней дїялносци, рочнїци литературних, театралних и подобових творительох: музичних уметнїкох, рочнїци приселєня и живота Руснацох на тих просторох итд.
Руски школи, руски населєня:
130 роки рускей школи у Дюрдьове (1880)
Руски учителє, писателє, публицисти, подобово и културни творителє:
120 роки од народзеня Петра Ризнича Дядї (1890-1966),
театралного творителя, подобового уметнїка, педаґоґа
110 роки од народзеня Єлени Солонар (1900-1982),
апатикарки, писательки - поетеси
110 роки од народзеня Илька Ґрайцара (1900-1969),
културного дїяча (економске помаганє култури)
100 роки од народзеня Евґенa М. Кочиша (1910-1984),
писателя-прозаисти, руского предняка
80 роки од народзеня Владимира Колєсара (1930),
академского маляра керамичара
80 роки од народзеня Янка Раца (1930),
писателя, наставнїка, редактора
80 роки од народзеня Василя Мудрого (1930),
писателя, публицисти, редактора
80 роки од народзеня Мирона Колошняя (1930-2009),
писателя, подобового уметнїка маляра аматера
80 роки од народзеня Владимира Костелника (1930),
писателя, публицисти, редактора
70 роки од народзеня Анґели Прокоп-Єздич (1940-1971),
поетеси-писательки
70 роки од народзеня Kсениї Планчак Мучаї (1940),
поетеси-писательки
70 роки од народзеня др Юлияна Рамача (1940),
наукового роботнїка, линґвисти, филолоґа
60 роки од народзеня др Юлияна Тамаша (1950),
академика, писателя, културного творителя
60 роки од народзеня Любомира Сопки (1950),
карикатуристи, илустратора, подобоного уметнїка
Руски орґанизациї, гласнїки, кнїжки, часописи:
120 роки „Руского соловея" Михаила А. Врабеля (1890)
90 роки од виходзеня Читанки Михаила А. Поливки (1920)
40 роки од снованя Аматерского народного театру (1970)
40 роки Дружтва за руски язик, литературу и културу (1970)
20 роки Союзу Руснацох и Українцох (1990), Нови Сад
20 роки Рускей матки (1990), Руски Керестур
Орґанизовац промоциї нових кнїжкох, учебнїкох, часописох, зборнїкох и публикацийох. Означиц вецей визначни рочнїци зоз календара сербского народу и националних меншинох у Войводини. Сотрудзовац зоз Координацийним одбором дружтвох за язики, литературу и културу хтори роби у рамикох Оддзелєня за нєвладово орґанизациї Заводу за културу Войводини у Новим Садзе чий Дружтво длугорочни член на видаваню
Мултиязичного билтену МОСТ.
4. Пестованє културного и духовного скарбу и подобовей уметносци: Пошвециц увагу призберованю и чуваню педаґоґийней (школскей), литературней и линґвистичней документациї и орґанизовац пригодни вистави. Потримац виглєдованя о народних обичайох: праткох, мольбох и других инстанцох зазберованя Руснацох (заходни Срим). Намагац ше предлужиц зоз подобнима активносцами и у 2010. року. У рамикох пестованя културного скарбу, потримовац роботу Клубу подобових уметнїкох и його програми, орґанизовац заєднїцки подобово вистави зоз каталоґом, а порушовац и орґанизованє самостойних виставох, як руских уметнїкох, так и уметнїкох зоз хторима робя и творя у своїх штредкох.
Орґанизовац дзевяту школску и шесту подобову колонию Стретнуце у Боднарова у Ґосподїнцох. Предлужиц орґанизованє литературно-подобовей колониї и етнолоґийней збирки у Коцуре, з участвованьом афирмованих писательох и подобових уметнїкох, як и тих цо праве пробую твориц у тих обласцох. Иницировац и активносци на пестованю подобовей творчосци Надї Волчко, таписеристкинї по походзеню зоз Беркасова (у Шидзе), етнолоґийней збирки у Бикичу и других руских штредкох.
5. Виглєдовацка робота у обласци руского язика: Дружтво будзе и далєй робиц на проєкту под назву „Розвиванє, очуванє и унапредзованє руского язика дзецох и младежи" (1996-2010). У 2010. року активносци треба предлужиц и унапрямиц на розвиванє и унапредзованє руского язика у предшколским, основним и штреднїм образованю под назву „Шицки дзеци до руских школох!”, а тиж и у рамикох висшого и високого образованя, за виховательки у руских пред. установох, наставнїкох-професорох у основних и штреднїх школох (висши школи, факултети, мастер студиї).
Источашнє, у 2010. року спомнути виглєдовацки проєкт у обласци руского язика прешириц и у рамикох V фази предлужиц зоз виглєдованом хторе вязане за руску дияспору (Канада, Австралия, Нови Зеланд, Нємецка). У сотруднїцтве зоз др Александром Д. Дуличенком пририхтац (конциповац) виглєдованє хторе вязане за функциї руского язика у Войводини (12 функциї: образованє, наука, култура, литература, прекладательство, информованє, видавательство, церква, театер итд.).
6. Видавательна дїялносц Дружтва: Предлужи ше з виходзеньом: Зборнїка роботох „StudiaRuthenica”: вида 14 (27) число у хторим попри написох о 40-рочней дїялносци Дружтва будзе предлужене обявйованє дипломских роботох студентох Катедри за руски язик и литературу Филозофского факултету у Новим Садзе (обласц руска ґраматика и ономастика), а обявя ше и прилоги зоз 4. науково-фахового сходу (кед будзе отримани у 2010. року), потим о рочнїцох, нових виданьох Дружтва итд. По законченю Словнїка медицинскей терминолоґиї орґанизовац подобни проєкт з обласци биолоґиї (рошлїнох), технїчних наукох итд.
На планє видаваня публикацийох зедициї Одняте од забуца вишла 11. по шоре троязична сербско-мадярско-руска кнїжка под назву „60 роки Руснацох у Новим Орахове”, у рамикох едициї Литература (2) видата двоязична руско-сербска кнїжка Меланиї Павлович Белави лєт-Плави лет, а тижи двоязична кнїжка по руски и горватски Олени Папуґа Руске обисце-Rusinska kuća у сотруднїцтве зоз КД „Рушняк“ зоз Риєки.У пририхтованю и прилоги з обласци музичней творчосци, а потримац и виданя хтори предложа фахово цела Дружтва: секциї, подружнїци и активи.
7. Робота подружнїцох, секцийох, фахових целох и редакцийох: Намагац ше отримац уровень приятих членох (порядни 981, почесни 92 и помагаюци 45) у подружнїцох и секцийох, а примац и нових у местох дзе робя 9 подружнїци: Нови Сад, Руски Керестур, Коцур, Дюрдьов, Шид (Беркасов) Кула, Вербас, Нове Орахово и Сримска Митровица, 5 секциї: Беоґрад, Ґосподїнци, Бачинци, Бикич, Киченер (Канада), Миклошевци, Петровци, Вуковар (Горватска) и других штредкох - Суботица, Сомбор итд. Потримовац роботу Линґвистичней секциї, Секциї за литературу, за културни и духовни скарб, Одбору за науково виглєдованя, Одбору за пласман кнїжкох, театралну и рецитаторску дїялносц, як и редакциї зборнїкох, часописох и других виданьох, обезпечуюци материялни средства за їх обявйованє и друкованє.
8. Медзинародну активносц треба реализовац у рамикох интересованя фаховцох за руски язик и литературу, а по можлївосци посилац и наших фаховцох на сходи и схадзки до иножемства. Черац часописи и публикациї, обявйовац фахови и наукови сообщеня зоз темами хтори ше одноша на руски язик, литературу и културу (у дияспори), орґанизовац нащиви до образовних, наукових и културних институцийох (музеї, ґалериї, библиотеки) итд. Сотрудзовац зоз подобнима орґанизациями и поєдинцами (почитователями руского язика и литератури) у рамикох рускей дияспори у Канади, Австралиї, на Новим Зеланду итд.
9. Сотруднїцтво з орґанизациями и институциями: Сотрудзовац зоз дружтвами за язики, литературу и културу Координацийного одбору Заводу за културу Войводини, одборами Националного совиту рускей националней меншини за образованє и културу и другима здруженями, орґанизациями, заєднїцами (асоцияциями), матками, школами, библиотеками, ґалериями, министерствами, покраїнскима секретариятами за образованє, науку, културу и за права националних меншинох, општинскима управами за дружтвени дїялносци, културнима центрами, факултетами Универзитета у Новим Садзе, церковнима општинами у местох дзе жию Руснаци, средствами информованя, а прейґ електронских медийох витвориц контакти и зоз Руснацами у швеце (Руснаци у Панониї,РДСА у Канади, Руснаци на интернету).
10. Робота Скупштини, Предсидательства и роботних целох Дружтва: Статутарну дїялносц Дружтва реализовац у рамикох предвидзених можлївосцох, окреме у рамикох материялних, и з тим у вязи плановац отримованє 2-3 схадзкох Предсидательства, рочну схадзку Скупштини, як и вецей схадзки роботних целох. Исти активносци предвидзиц и у подружнїцох и секцийох по местох. Отримац стаємну комуникацию зоз членством у нас и у швеце. Основани http://www.druztvo.com сайт на интернету (2008) дополньовац и преширйовац пре информованє о програмних активносцох Дружтва и у 2010. року.
Предсидательство Дружтва за руски язик, литературу и културу
На основи члена 25 Статута Дружтва за руски язик, литературу и културу и Одлуки Предсидательства Дружтва од 28. октобра 2008. року зволуєме 4. схадзку Скупштини, хтора ше отрима 29. новембра 2008. року (соботу) на 11 годзин у Заводу за културу Войводини, Нови Сад, Вoйводи Путнїка 2.
ДНЬОВИ ШОР:
I 11,00 годзин
1. Вибор роботного предсидательства;
2. Вибор роботних целох Скупштини:
- верификацийней комисиї,
- записнїчара и двох оверйовачох записнїку;
3. Записнїк зоз 3. схадзки Скупштини;
4. Прилапованє дїловнїка о роботи Скупштини Дружтва;
5. Розпатранє и прилапйованє звиту о роботи
Дружтва медзи двома схадзками (XII 2006-XI 2007);
6. Розпатранє и прилапйованє финансийного звиту
и звиту Надпатраюцого одбору (2006);
7. Програма Дружтва за руски язик, литературу и културу зоз
планом финансийних средствох за реализацию у 2009. року
8. Орґанизацийни питаня Дружтва и
9. Р и ж н е
II 12,30 годзин
Додзельованє наградох и припознаньох:
- плакети „проф. Гавриїл Г. Надь” Славици Мали,
проф. руского язика и литератури зоз Вербасу,
- подзекованьох „Микола М. Кочиш” и других припознањох
Вистава акварелох Гелени Канюх
III 13,00 годзин
Промоция нових виданьох Дружтва
- Юлиян Пап: Good Morning! We learn English / Добре рано! Учиме
ше по анґлийски
- Ирина Папуґа: Основна школа Бачинци
- мр Гелена Медєши: Язик наш насущни
- Гелена Гафич Стойков: сликовнїца Сни малей Иринки спод єдней перинки
